Edukasi Islami

Baca  patete! Ma’-Matama’ Ella olle tello are Bunawi tos-ngantos bakto se entarra kaonjhangan. Tello are rassana pada ban sataon mongghu da’ Bunawi. Sabab aba’na ce’ terrona se ngakanna sate gule. Bakto ghu-lagghu saellana asalen se entarra kaonjhangan Bunawi abala da’ ka se bine’, “Le’, malemma sengko amempe mega’ jhuko’ o-tao tang tanang ekampe’ balatthang, bada apa, ya, Le’?”. Se bine’ nyaot, “O, jareya mempena oreng ngen-bangennan”. Bunawi pas mangkat abhareng kancana da’ onjhangan. Neng bengko tatangghana se ngonjhang Bunawi sem-mesem ngatela ka’-angka’na man-nyaman. Bunawi ngakan jhajhan mabannya’ sampe’ gung-plenggungan. Kaangghuy notope malona Bunawi da-kenda ato’-bato’ tape sajan nambai todussa sabab ka-kanan se la maso’ ka tabu’na pas ngonca’ kabbhi acalakeran neng teker. Ta’ abit perengan kalowar Bunawi ce’ peragga, Bakto ngakan Bunawi asol-sol ta’ mekker jha’ taserna’a. Dhaghing se bada neng tolang ekes-kes ghemmet kabbhi. Di-budina Bunawi ngennyot som-som se ...

Nyareya Ontong Aherra Olle Kasta Baca patete! Baja sar-asar maba Samen kaonjhangan duwa’ tatangghana se kateppadhan pada baktona. Tatanggha settongnga temor songay dhineng settongnga pole bada bara’ songay. Seduwa’ tatanggha ghella’ karjhana ekataowe Samen. Duare sabellunna Samen ngeding jha’ tatangghana se bara’ songay nyabhelliya tello’ embi’ seddheng tatanggha temor songayya nyambhelliya  sapolo ajam. Daddhi karjhana lebbi raja se bara’ songay. Samen mele mangkat da’ bara’ songay nompa’ prao tape bakto para’ entassa Samen aoba pekker, neng ngen-angenna na-ngrena, “Sengko’ mon terros ka bara’ songay ghun olle ngakan ko’ embi’ se rassana kala nyaman da’ ko’ ajam, ango’an abaliya bhai”. Samen pas ngoca’ da’ tokang prao, “Le’, abali bhai ka temor songay”. Tokang prao norote ajhaghanna Samen. Tape saellana abali para’ entassa ka temor songay Samen aoba pekker pole, neng ngen-angenna, “Engko’ rogi mon terros katemor songay sabab ko’ ajham sakonne’ som-somma laen ban ko’ embi’...

Reng Dhisa Entar Ka Kotta Lamba’, ghi’ jhaman kona e dhisa ghi’ tada’ listrik, bada Reng dhisa entar ka kotta bakto malem abareng kancana. Dapa’ ka kotta Reng dhisa ghella’ pas ngoca’, “Le’-le’, pojhur dapa’ karammena”. Kancana atanya, “Ma’ da’ iya, Ka’?”. Reng dhisa ghella’ ajawab, “Iya, sabab teppa’ kapasaran”. Kancana nyaot, “Abaaa banne da’ iiiya, dinna’ reya kotta se salanjhangnga are lakar ramme terros”. Reng dhisa ghella’ pas ambu ju’-toju’ teppa’ neng babana pangpangnga listrik. Bakto adanga ka’ attas ngatela neon se tera’ pas ngoca’, “Ya, Le’, se malang lanjhang e attas rowa ma’ bisa tera’ jha’ ghun dari atena kan gheddhang?”. Kancana nyaot, “Baaa arowa neon ekaghabay dari kaca”. Ta’ abit pas ngajhak da’ restoran. Neng restoran bakto ngakan nase’ tanangnga tabalik negghu’ sendo’ garpu. Aherra bibirra loka kabbhi, jhuko’na e ghlutok kol-bungkol sampe’ gung-plenggungan. Kancana takerjhat ngatela Reng dhisa ghella’ se ta’ bisa aghluno’ lajhu abhuk-bhuk ghul-ongghulanna...

Pornama E Mongghing Temor Bakto toron ngajhi, Jamen ale’na Mena ce’ peraggha log-ologhan embuggha, oca’na, ”Buk, maju mon nengghuwa ngombarra bulan pornama rowa’ e langnge’ mongghing temor!”. Mena ablandas entar ka tanean abhareng ale’na. Se kaduwa pada aghella’an ce’ peraggha ngabas bulan  sambi ngejhung: “Ra’ tera’ bulan, bulan tangghal pa’ bellas. Na’-kana’ praban, praban ta’ andi’ berras. Mare ngejhung Jamen ngoca’, “Buk, bulanna nyarandang sajan tengghi neng attassa ghunong rowa, ropana bunter mara ghaddhang, cajana tera’ tar-kataran malapghilap ompayya nyeor se eber-ber angen, ghilabbha akanta enten se etabur bidaddari dari tas langnge’, pole langnge’na’ berse ngabiru matrentem ate, ondemma bang-tabangan e ada’na bulanna, rassana tang ate terro se dapa’a da’ dissa’, du aghung ongghu Se mabada essena alam reya, Buk!”. Ngeding serrona ale’na Mena ngennes acampor senneng, aeng matana ngremmeng pas Mena nyambhung serrona ale’na, ”Iya, Le’, tang ate rassana pada so ba’na, r...

Ngantos Ngombarra Pajjhar Bakto jhaga malem saellana mokka’ labang ada’na Sa’diyah embu’na Jamen takerjhat amarga ngatela ana’na la etemmo ju’-toju’ neng amper ada’ romana. Patoju’na meddhet ta’ kasa’an ngadep ka temor sambi ngabas bintang porteka se sonarra ngabhiru ngadhirap terrang. Sa’diya nyapa laon ana’na, “Na’ ma’ atoghu dinna’ ba’na, bada apa, sateya ghi’ malem?” Jamen nyaot, “Iya, Bu’, sengko’ terro taowa pajjhar”. Ngeding jawabbha ana’na Sa’diya ngarte ja’ ana’na la tombu pekkeran naleteya tatengnger se bada neng alam. Sa’diya apangarep mandar ana’na leburra nalekteghi alam nemmo bhab se raja ghunana. Melana Sa’diya mokka’ pekkeranna ana’na, “Na’, abassaghi patete langnge’ e temor rowa, degghi’ bakal bada’a dha-tandha se da’ ba’na atamba’a ngarte!”. Jamen gu’-onggu’an ngejappaghi la-balana embu’na. Sakejjha’aghi’, Jamen pas ngatela ngombarra pajjhar dari baba langnge’ mongghing temor pas aorag ce’ peragga, “ Oiiiiii, sengko’ la tao pajjharra  Bu’, cajana moncar a...