Soal Bahasa Madura dan Kunci Jawaban UTS Kelas 6

Pornama E Mongghing Temor

Bakto toron ngajhi, Jamen ale’na Mena ce’ peraggha log-ologhan embuggha, oca’na, ”Buk, maju mon nengghuwa ngombarra bulan pornama rowa’ e langnge’ mongghing temor!”. Mena ablandas entar ka tanean abhareng ale’na. Se kaduwa pada aghella’an ce’ peraggha ngabas bulan  sambi ngejhung: “Ra’ tera’ bulan, bulan tangghal pa’ bellas. Na’-kana’ praban, praban ta’ andi’ berras. Mare ngejhung Jamen ngoca’, “Buk, bulanna nyarandang sajan tengghi neng attassa ghunong rowa, ropana bunter mara ghaddhang, cajana tera’ tar-kataran malapghilap ompayya nyeor se eber-ber angen, ghilabbha akanta enten se etabur bidaddari dari tas langnge’, pole langnge’na’ berse ngabiru matrentem ate, ondemma bang-tabangan e ada’na bulanna, rassana tang ate terro se dapa’a da’ dissa’, du aghung ongghu Se mabada essena alam reya, Buk!”. Ngeding serrona ale’na Mena ngennes acampor senneng, aeng matana ngremmeng pas Mena nyambhung serrona ale’na, ”Iya, Le’, tang ate rassana pada so ba’na, rowa bulanna la asapo’ ondem, ngeteg neng budina, cora’na todus eabas”. Jamen pas materros oca’na embugga, ”Onghuwan, Buk, bulanna akanta potre rato ngeteg neng taman sare todus se tatemmoa ban kakasena, rowa’ bulanna la ne’-corne’an neng lekkeddha ondem la bangal mapaddhang mowana se bunter raddhin.” Embuggha materros, “Ropana ce’ bersena pada ban potre rato se seddha’ manes ghi’ bhuru adhan-dhan, sonarra endha macellep mata, majhembar ate se sossa, apa pole emalem sateya angenna ser-ngalesser abak cellep rassana maseggher badhan, maelang lesso, nambai endhana malem pornama”.
Mena ban ale’na nyemma’ da’ reng towa duwa’na se ju’-toju’ neng tas lencak pas ngejhung, “Lan-bulanan le’ pada nengkong le’ e tera’ bulan ce’ sennengnga. Ayo kanca-kanca pada anga-bhunga e tera’ bulan ce’ sennengnga”. Eppa’ Embu’na sem-mesem ce’ bhungana ngatela ana’na akor ban nyokkore apa se eabas maskeya gun tera’na bulan apa pole na’-ana’na lakar kana’ penter, bhajheng, jhujhur, sekat alako ban toro’ oca’. (M. Rasyad)

I.   Berri’i bunterran horop a, b, c otaba d neng sala settong jawabhan se paleng bender !
     Soal no.1 sampe’ no.5 jawabbha nyare neng careta e attas!
1.    Apa kareppa Jamen ngolog embuggha ….
a. ngajhak ka tanean                       b. ngajhak nenggu bulan
c. ngajhak amaen                            d. ngajhak ngajhi
2.    Sapa se aeng matana ngremmeng?
       a. Jamen                    b. Embu’na               c. Eppa’na     d. Mena
3.    Sapa sengoca’ bulanna pada ban potre rato se seddha’ manes?
       a. Eppa’-Embu’na    b. kancana                c. Jamen        d. Mena
4.    Karangan careta e attas angghidhanna ...........
       a. M. Drajid                b. M. Rasyad             c. R. Taha      d. Sabadin  
5.    Arapa Eppa’-Embu’na Mena ma’ sem-mesem? Polana ana’na ……
       a. ngejhung                                       b. akor ban nyokkorre      
c. penter                                             d. bhajheng
6.    Kamajhuan “teknologi” sateya magampang da’ bannya’ kalakoan tape mon sala angghuy bisa madateng  ........................da’ manossa.
       a. kaancoran b. kapalangan          c. kasossaan            d. kamalaraddhan
7.    Okara samporna se ta’ alesan
       a. Ale’ entar   b. Ale’ toju’                c. Ale’ ngale              d. Ale’ aberri’
8.    Se tamaso’ okara ta’ samporna panyoro
       a. Tedung !    b. Tedung                  c. Tedungan             d. Tatedung
9.    Mon nengghu televisi jha’ da’-ngada’ ma’ le ta’ rosak kamatana!.
       Arte ban tabhaligga oca’ da’-ngada’ neng okara e attas
       a. bun ada’ x bun budhi                 b. neng seddhi’na x neng budhina
       c. dal-ngadal x dhi-budhi                d. ngadal x  dhi-modhi
10. [nok[z   ebaca
       a. tokang        b. cakang                   c. nokange                d. kalonge
11.  [$ozenNep\    ebaca
       a. Somennep                        b. Sumenep    c. Sumennep          d. Songennep
12.  Alamat sorat etoles saellana
       a. tanggal sorat         b. salam pamokka’   c. esse sorat d. panotop sorat
13.  Oca’ bhangsalan se andi’ panebbhus man-ngoman
       a. konye’ ghunong b.cabbhi kene’          c.brakay mowara      d.ghaghang padi
14.  Ka’ Samman sateya ajhang-onjhang nekkane hajhaddha se ri’-bari’ na.
       Laen oca’na nekkane neng okara e attas
       a. menta           b. maksa                    c. matekka                 d. madapa’
15. Setamaso’ okara careta
       a. Pajhat bhagus bharang jareya    b. Adu, tang cetak nyelo!
       c. Pasera se nyerrat e papan?         d. Cong, mon malem jhar-ajharan!

II. Ti’-titi’ neng okara soal e baba reya esse’e ban ca’-oca’ se sorop!
1.  Pa’ Rasyad nyerrat e papan.
     Okara petanyana: ....................se nyerrat e papan?
2.  Rama meyos da’ dhalemepon Aghung dhineng ale’ ......da’ bengkona kancana.
3.  Arapa ma’ osa epalagghui?
Bila ebhasaaghi okarana dhaddhi: Aponapa ma’ ..............epalagghui?
4.  Aksara rajana Pa neng carakan madhurana atoles ........................
5.  Oca’na Toto’: ”Abdhina esoro Pa’ Rasyad, ngaterraghi sorat ka’dinto”.
Neng okara kasebbhut Pa’ Rasyad nyoro ............. ngaterraghi sorot.
6.  Dhabuna Pa’ Andi, ”Reya soraddha Pa’ Rasyaddha! Pola ba’na terro maca’a keya?
Petanya se edhabuaghi Pa’ Andi etojjhuaghi da’ ........................
7.  [kob=u  =    ebaca ......................
8.  Tabhaliggha reng se tao ghabay lecek
Najjhan sakalean
Da’ bhadhan maste ngrepote
Repot tako’ katemmona.
Maksodda/laen oca’na lecek neng tembhang e attas ..................
9.  Bhudhag reya hasel angghianna tanang tape televisi ghabhayanna .....
10.   @]kSn\    ebaca .................
III. Jawab sakabhina petanya se bada e baba reya!
1.  Sebbhuddhaghi artena oca’ pasareyanna bannya’na 3 oca’ neng okara e baba reya!
Pasareyanna Kyae Damanhuri bada e Bato Ampar.
2.  Jhajhal aghabay 3 okara samporna se coma andi’ jhejjher ban caretana!
3.  Salen da’ carakan madhura aksara raja dari: Na, Sa, Pa, ban Ka !
4.  3 okara e baba reya pasange/berri’i oca’ bhangsalan se sorop kalaban aghante’e oca’ se egharis babana ban oca’ bhangsalan!
a. Ta’ langkong Ka’, kaula ampon man-ngoman tape teptep ta’ poron!
b. Adu, pon kabhuru gi’ bhuru sampe’ pon palemanna!
c. Saena sabellunna ajhalannaghi tareka raja paneka epekker lembu’ dhimen!
5.  Bhasaaghi okara reya! Nompa’apa Eppa’ ban Anom se entar ka bengkona Emba?

KUNCI JAWABAN SOAL UTS Semester 1 B.MADURA SARE TAMAN KLS 6
I. PG
1.   b
2.   d
3.   d
4.   b
5.   b
6.   c
7.   b
8.   a
9.   d
10. c
11. d
12. a
13. d
14. b
15. a

II. ISIAN
1.    Pasera
2.    entar
3.    mabi
4.   %
5.    Toto’
6.    red-mored/na’-kana’
7.    kobung/kobhung
8.    carpak, corpot
9.    pabrik/messin
10. Kraksan

III. UT
1.    astana, makamma, kobhuranna.
2.    Kaka’ toju’. Ale’ tedung. Eppa maca. Amin mandhi. Sale nagkan (intransitif)
3.  ! , $ , % , @
4.    aghaghang padi, kalowang kene’, bato kene’.
5.    Netene ponapa Rama sareng Anom se meyos da’ dhalemepon Aghung?

Source: http://mrasyadutsuasbmadurasemester1.blogspot.co.id/  
Baca Juga soal-bahasa-madura-dan-kunci-jawaban_UAS-kelas 6 
Baca Juga soal-bahasa-madura-dan-kunci-jawabn-UAS-kelas 5 
Baca Juga soal-bahasa-madura-dan-kunci-jawaban_UAS Kelas 4 
Baca Juga soal-bahasa-madura-dan-kunci-jawaban_UTS kelas 6 
Baca Juga soal-bahasa-madura-dan-kunci-jawaban_UTS kelas 5
Baca Juga soal-bahasa-madura-dan-kunci-jawaban.UTS kelas 4